Жаңалықтарды Telegram арнамыздан оқыңыз!Нұр-Сұлтан қаласы «қызыл» аймақтан шықты. Эпидемиологиялық ахуалды бағалау матрицасына сәйкес бүгін бас қала «сары» аймаққа өтті.
Ал Алматыда «қызыл» аймақтың карантиндік шектеулері тағы 7 күнге созылады. Індеттің таралу қарқыны бойынша қаланың «қызыл» аймақтан «сарыға» өтуіне қарамастан, шектеулер сақталады.
Көршілес Ресейдегі эпидахуалдың нашарлауына байланысты санитарлық шараларды қатаң сақтау ұсынылып отыр. Қалалық әкімдіктің мәліметінше, Ресей мен Еуропа елдерінен келгендер жіті бақылауға алынады. Мобильді бригадалар әуежайда, теміржол вокзалдары мен автовокзалдарда кезекшілік етеді. Әуежайдың халықаралық ұшып келу залдарында дене қызуы бар жолаушыларды анықтау үшін 7 стационарлық байланыссыз тепловизор орнатылған.
