Президент АӨСШК Хатшылығының атқарушы директорын қабылдады

Президент Азиядағы өзара іс-қимыл және сенім шаралары жөніндегі кеңес Хатшылығының атқарушы директорын қабылдады. Қайрат Сарыбай Қазақстан төрағалығының бірінші жылының қорытындылары туралы мәлімет берді.

Ақылмандар кеңесін құруға және талдау орталықтарының форумын тұрақты жұмыс істейтін консультативтік алаң ретінде қайта құруға қатысты бастамалар жайлы да баяндады.

Бұдан бөлек Қайрат Сарыбай Мемлекет басшысына Кеңестің сыртқы саяси ведомство басшыларының жуырда болған кездесуінің негізгі қорытындылары жайлы мәлімет берді. 2022 жылы Нұр-Сұлтан қаласында өтетін VI Саммитке дайындық жұмыстары туралы айтылды.