Жамбыл облысында жантүршігерлік жол апатынан 6 адам қаза тапты

Жамбыл облысында жол апатынан 6 адам қаза тапты. Оқиға бүгін таңғы сағат 6:00 шамасында Алматы-Ташкент тасжолында болды. 

Данияр Асқарұлы, тілші:
Жантүршігерлік жол апаты Байзақ ауданы аумағынан өтетін үлкен күре жолдың бойында болып отыр. Алматы-Ташкент тасжолының 476 шақырымында Audi-А4 және Toyota Camry маркалы екі көлік қатты соқтығысқан. Бейнекөріністен байқағанымыздай автокөліктер қарсы бетке шығып қақтығысқан. Өкінішке қарай, 6 адам оқиға орнында жан тапсырған. Ал, Toyota Camry автокөлігінің жарақат алған екі жолаушысы ауруханаға жеткізілген. Оқиғаға қатысты қылмыстық іс қозғалды. Тергеу жүргізілуде. Арнайы сараптама тағайындалған. Жалпы Жамбыл облысында соңғы 8 айда осындай жол апаттарынан 139 адам қаза тапты. 1000-нан аса адам ауыр жарақат алған.