Жаңалықтарды Telegram арнамыздан оқыңыз!Тамыз айында еліміздің бірқатар аймақтарында аптап ыстық болады. Синоптиктер еліміздің батысына Иран аумағынан жылы және құрғақ ауа массалары келе бастайды деп болжап отыр. Салдарынан бірқатар өңірде жауын-шашын болмайды. Ауа температурасы 33-38, кей жерлерде 43 градусқа дейін көтеріледі. Дала өрті болуы мүмкін. Республикамыздың қалған аймақтарында аптап ыстықпен қатар, нөсер жаңбыр жауады деген болжам бар. Ақмола облысының кей жерлерінде найзағай ойнап, желдің екпіні секундына 15-20 метрге жетуі ықтимал. Оңтүстік-шығыста найзағай ойнап, бұршақ жаууы мүмкін.
