Жаңадан сайланған әкімдерге үлкен жауапкершілік жүктеледі

Жаңадан сайланған ауыл әкімдеріне үлкен жауапкершілік жүктеледі. Сенат төрағасының орынбасары Нұрлан Әбдіров Қарағанды облысында жаңадан сайланған ауыл әкімдерімен, сонымен қатар Ұлытау және Жаңаарқа аудандары мәслихаттарының депутаттарымен кездесті. Онда жергілікті билік органдарының өкілеттігі мен дербестігін кеңейту мәселелері талқыланды. Төраға орынбасары қордаланған проблеманы оңтайлы шешіп, қолданыстағы заңнаманың тиімділігін жақсарту үшін Сенат пен мәслихаттардың бірлескен жұмысын күшейту қажет деді.

Нұрлан Әбдіров, ҚР Парламенті Сенаты төрағасының орынбасары:
Қосымша жерге байланысты 4 салық пен төлемдерді қосып бердік. Осының бәрін дұрыс пайдалану, тиімді пайдалану, сенім артқан орындардың мүддесіне қарай пайдалану қазіргі әкімдерге байланысты. 

Дарын Сағитов