Қазақстанда коронавирус жұқтыру бойынша тәуліктік рекорд жаңарды

Елде эпидахуал өте күрделі. «Жасыл» аймақта бірде-бір өңір жоқ. 15 өңір «Қызыл» аймақта тұр. Олар: Нұр-Сұлтан, Алматы, Шымкент қалалары, Алматы, Ақмола, Ақтөбе, Атырау, Батыс Қазақстан, Жамбыл, Қарағанды, Қостанай, Қызылорда, Маңғыстау, Павлодар және Солтүстік Қазақстан облыстары. Түркістан және Шығыс Қазақстан облыстары «сары» аймақта.

Індетке шалдыққандар саны тағы да өсіп, тәуліктік көрсеткіш 6 мыңнан асты. Мұндай жағдай бірінші рет болып отыр. Ал, вирустық белгілері бар пневмонияға 233 адам шалдыққан.Бір күнде коронавирус пен пневмониядан 74 адам көз жұмды. 71 мыңнан астам тұрғын ем алып жатыр. Инфекцияға қарсы вакцинаның 1 - ші компонентін алғандар 5 млн 54 мыңнан асты.