Қарағандыда сауда үйіндегі ойын алаңында 7 жасар бала мерт болды

Қыз бала әткеншектен құлаған. Дәрігерлер оқиға орнына 11 минутта жеткенімен, сәби сол жерде көз жұмған. Сот-медициналық сараптама қорытындысы бойынша, бүлдіршіннің не себепті құлағаны белгілі болмақ. Бала бұған дейін ауыр созылмалы сырқатпен диспансерлік есепте тұрған. Полиция бұл оқиғаға қатысты «Қызмет сапасының қауіпсіздік талаптарына сай еместігі кісі өліміне себеп болды» деген күдікпен іс қозғады.

Жанатай Сембеков, облыстық Полиция департаментінің Мемлекеттік тіл және ақпарат басқарамасының басшысы:

Аталған факт бойынша, қылмыстық іс тіркеліп, тиісті сараптамалар тағайындалды. Сотқа дейінгі тергеу амалдары жүргізілуде.

Руслан НҰРЛАНҰЛЫ