Жаңалықтарды Telegram арнамыздан оқыңыз!Елімізде карантиндік шектеулер күшейтілмек. Әсіресе Нұр-Сұлтанда санитарлық талаптар қатаң сақталуы тиіс. Өйткені бас қалада коронавирустың үнді штаммына тән мутация анықталғаны белгілі.
Алексей Цой, ҚР Денсаулық сақтау министрі:
Науқастардан алынған зертханалалық үлгіге ПТР скрининг жүргізу кезінде үнді штаммына тән мутация анықталды. Коронавирустың «дельта» штаммы жылдам жұғады және штамм анықталған науқастардың 60 пайызында ол небары 7 күнге дейінгі инкубациялық кезеңімен ерекшеленеді. Сондай-ақ таяуда жүргізілген зерттеулерге сай, коронавирустың Үнді штаммын жұқтырғандар арасында емханаға түсушілер мен қаза тапқандар әлдеқайда көп екені анықталды.
Денсаулық сақтау министрінің айтуынша COVID-тің бұл түрі әлдеқайда қауіпті. Оны жұқтырғандарда буындардың, іштің қатты ауыры және есту қабілетін жоғалту секілді қосымша симптомдар болуы мүмкін. Ал премьер-министр дәрінің жеткілікті қорын, өкпені жасанды желдету аппараттарын, жеке қорғаныш заттарын және төсек-орынды қамтамасыз етуге тапсырма берді. Әрі екпе егу жұмыстары мен шекарадағы бақылауды күшейту қажет деп тапсырма берді.
Досжан Маратұлы
