Жаңалықтарды Telegram арнамыздан оқыңыз!Қарағандының орталығындағы көпқабатты үйде газ жарылып, бір адам көз жұмды. Екі бөлмелі пәтердің қабырғалары жарылып, есік терезесі сынған. Үй ішінен ер адамның денесі табылды. Құтқарушылар 10 шақты адамды сыртқа шығарып үлгерді. Өзге зардап шеккендер жоқ. Полиция мән-жайды анықтап жатыр.
Қызылорда облысы, Қожакент ауылындағы тұрғын үйлердің бірінде де газ баллоны жарылып, екі адам зардап шекті. 55 жастағы әйел мен алты жасар қызды қатты күйік шалып, олар Жаңақорған аудандық ауруханасына жеткізілді.
Оқыс оқиға кеше кешкілік болған. Ас әзірлейтін бөлмедегі 27 литрлік үлкен газ баллон жарылған. Қызыл жалыннан әйелді 80 пайыз, жасөспірімді 50 пайыз күйік шалған. Жағдайлары ауыр. Қазір мамандар оқиғаның мән-жайын анықтауда.
Руслан Нұрланұлы
