Қарағандыда 17 жастағы жеткіншек тоған суына батып кетті

Қарағанды маңында 17 жастағы жеткіншек тоған суына батып кетті. Құтқарушылар оның денесін екі сағаттан кейін тауып, судан шығарды. 

Суға түсу маусымы әлі басталмағанына қарамастан жұрттың көбі жағалауда жүр. Әсіресе, ата-ананың қарауынсыз жүрген балалар көп. Құтқарушылардың айтуынша, көпшілік судағы қауіпсіздік ережесін сақтамайды, ал арнайы жабдықталмаған жерлерде шомылатындарға бас-көз болу мүмкін емес. Қауіпсіздік шараларын қатаң сақтаған жағдайда ғана қайғылы жағдайлардың алдын аламыз дейді мамандар

Бақтияр Мәрлен, ТЖД Азаматтық қорғаныс басқармасының аға офицері:
Суға рұқсат етілмеген жерлерде шомылмаңыз, мас күйде суға түспеңіз. Қауіпті аймақтарда сүңгімеңіз, балаларыңызды қараусыз қалдырмаңыз. 

Руслан Нұрланұлы