Жамбыл облысында 100 мыңнан астам тұрғын екпе алды

Жамбыл облысында ковидке қарсы екпені жүз мыңнан астам тұрғын алды. Олардың 13 мыңдайы медицина қызметкерлері болса 18 мыңнан астамы білім саласынан. Екпе салдырғандардың 35 мыңы екпенің екінші дозасын алып үлгерді. Аймақтың бас эпидемилог дәрігері вакцина алған азаматтардың денсаулығы қалыпты дейді. Бәрі дәрігерлердің бақылауында. Жалпы, облыс тұрғындарының 52 пайызына вакцина салу жоспарланған.

 Гүлфайра Мырзабекова, облыстық денсаулық сақтау басқармасының бас эпидемиологы:
Вакцинаның бәрі жеткілікті. Бұл жұмыс қазіргі күнде 20 емханадағы вакцинация кабинеттерінде жасалуда. Және жылжымалы екпе бригадалары мен мыңнан аса арнайы оқытылған медицина қызметкерлерімен атқарылып жатыр.

Сәбит Әлдебай