Басты Жаңалықтар БАҚ өкілдері арасында Нұртілеу Иманғалиұлын еске алуға арналған волейбол турнирі басталды

БАҚ өкілдері арасында Нұртілеу Иманғалиұлын еске алуға арналған волейбол турнирі басталды

16.05.2021 13:40

Елордада волейболдан БАҚ өкілдері арасында BAQ liga-ның бірінші маусымы басталды. Қазақ телевизиясының майталманы Нұртілеу Иманғалиұлын еске алуға арналған биылғы біріншілікке 8 команда қатысуда.

Шара «Қазақстан» телерадиокорпорациясы және ҚР Туризм және спорт индустриясын қолдау қоры, Л.Гумилев атындағы Еуразия ұлттық университеті мен Қазақстан волейбол федерациясының қолдауымен ұйымдастырылуда.

«Өздеріңіз білетіндей, волейбол – аристократтық, командалық рух қалыптастыратын ойын. Оны Нұртілеу Иманғалиұлын еске алу турнирі деп атадық және алдағы уақытта тұрақты өткізуді жоспарлап отырмыз. Ең басты мақсат – БАҚ өкілдері арасындағы әріптестікті нығайту. Сондықтан аптаның бір күнін бір-бірімізбен жақын танысуға арнауды ұйғардық», - деді «Қазақстан» РТРК» АҚ Басқарма төрайымының орынбасары Ержанар Әшейхан «Еуразия» спорт кешенінде маусымның ашылу салтанатында.

Біріншілік Журналистер күніне дейін жалғасады және онда 8 команда – Ұлттық арна, «2-бап. Цензура», «7 арна», «Atameken business channel», «Qazaq radiolary», «ҚазАқпарат агенттігі», «Қазмедиа орталығы» және «Хабар агенттігі» ұжымдары сайысқа түседі.