Елбасы «Керуен-сарай» кешенін аралады

Елбасы Нұрсұлтан Назарбаев Түркістандағы  «Керуен-сарай» кешеніне барды. Тұңғыш Президент мұнда театрландырылған судағы шоуды тамашалады.

«Керуен-Сарай» кешенінде «Жібек жолы» дәуірінен сыр шертетін саудагерлер мен қолөнершілер көшесі, «Ұшатын театр» мен ат ойындарын өткізетін амфитеатр орналасқан. Сондай-ақ, шығыс базары, сауда орындары, қонақүйлер мен мейрамханалар, отбасылық ойын-сауық орталықтары бар. Олар бір-бірімен су арналары арқылы жалғасып жатыр. Сол үшін Керуен-Сарайды «Қазақстандағы Венеция» деп атап кеткен. Кешенді аралаған Елбасы бұл туристердің сүйікті орнына айналатынына сенім білдірді.

Досжан Маратұлы