Қаза тапқан әскери қызметшінің денесі Түркістанға жеткізілді

Каспийдегі оқу-жаттығуда қаза тапқан әскери қызметші Олжас Мұхтарұлының денесі Түркістан облысына жеткізілді. Еліміздің Қорғаныс министрлігі оның денесін арнайы ұшақпен апарып, туыстарына тапсырды. Бұл туралы Қорғаныс министрлігінің баспасөз қызметі хабарлады. Олжас Мұхтарұлы – Түркістан облысының тумасы. Ал бұған дейін қаза тапқан батысқазақстандық әскери қызметшілер Жеңіс Темірғалиев, Өмірбек Өмірзақ және Ақжайық Гилаждың мүрдесі арнайы рейспен Орал қаласына жеткізілген еді. Марқұмдарды жерлеу рәсімі 26 қыркүйекте өтеді.