Жаңалықтарды Telegram арнамыздан оқыңыз!Қазан қаласындағы қайғылы оқиғаға байланысты Қасым-Жомарт Тоқаев Владимир Путинге көңіл айту жеделхатын жолдады. Мемлекет басшысы: «Осынау қиын-қыстау сәтте балалары қайтыс болған отбасылардың ауыр қайғысына ортақтасып, көңіл айтамын»,–деп жазған.
Елбасы да Ресей Федерациясының Президентіне көңіл айтты. Владимир Путинге жолдаған көңіл айту жеделхатында:
«Қазан қаласының №175 мектебіндегі трагедия салдарынан балалар мен ересек адамдардың опат болғаны туралы қайғылы хабарды күйзеліспен қабылдадым. Қаза тапқандардың туыстары мен жақындарының қайғысына ортақтасып, көңіл айтамын. Зардап шеккендердің тезірек сауығып, отбасыларына оралуына тілектеспін», – делінген жеделхатта.
Нысаналы Ығыл
