Зейнетақы қоры: 870 миллиард теңгенің өтініші мақұлданды

Зейнетақы қорындағы қаржысының бір бөлігін алуға қатысты 870 миллиард теңгенің өтініші мақұлданды. Ол үшін 340 мыңнан астам адамнан өтініш түскен. Басым бөлігі ақшаны тұрғын үй жағдайын жақсарту үшін сұраған. Әсіресе ипотека қарызын өтеушілер көп. Олардың арнайы шотына 868 миллиард теңге аударылған. Ал емделуге деп төрт мыңдай адам өтініш жіберген. Оның басым бөлігі мақұлданып, олардың шотына екі миллиард 100 миллион теңге аударылды. Ал 3 мыңнан астам азамат қордағы қаржысын өзге компаниялардың басқаруына беруді қалаған. Ал жылжымайтын мүлік саласының сарапшылары осы бағдарлама басталғалы баспана бағасы 6-дан 27 пайызға дейін қымбаттағанын айтып отыр. 

Досжан Маратұлы