Алматыда қоғамдық көлікте бетперде тақпағандарға айыппұл салынады

Алматыда клубтар мен мейрамханаға барғандарға 93 миллионнан астам айыппұл салынған. Сондай-ақ, қоғамдық көлікте маска тақпағандарға да осындай шара қолданылатын болды. Мониторингтік топтар автобустарда карантин талаптарының сақталуын бақылауды қолға алды. Тексерушілер бұған дейін рейд жүргізіп, ереже бұзғандарға тек ескерту жасаған. Енді шара қолдануға құқылы. Сондай-ақ, олар маска тақпаған жолаушыларды қоғамдық көлікке кіргізбейді. Тіпті қажет болған жағдайда түсіріп кету туралы тапсырма берілген. Сонымен қатар, жүргізушілер де қоғамдық көлікте карантин талаптарын толық сақтауы тиіс.