![Министр бюджет қаражатын игермеген өңірлер мен мекемелерді атады](https://cdn.qazaqstan.tv/2021/3/11/1615439316781.jpg?w=928&h=522&format=jpg&resize=aspectfill&g=center)
Қаржы министрі Ерұлан Жамаубаев бюджет қаражатын игермеген министрліктер мен әкімдіктерді атады.
«Мемлекеттік бюджеттің шығыстары - 97,3, республикалық бюджеттің шығыстары – 99, жергілікті бюджеттердің шығыстары 94,5 пайызға атқарылды. Республикалық бюджет бойынша сомасы 2 трлн 510 млрд теңгеге шығыстар жүргізілді. Атқарылмау 25 млрд теңгені құрады. Оның ішінде 13 млрд теңге - үнемдеу. Игерілмегені - 12 млрд теңге. Игерілмеген неғұрлым ірі сома Қорғаныс, Еңбек және халықты әлеуметтiк қорғау, Денсаулық сақтау, Әдiлет және Мәдениет және спорт министрліктерінде қалыптасып отыр.
Жергілікті бюджеттердің шығыстары 853 млрд теңгені құрады. Атқарылмағаны - 49 млрд теңге. Осы жылы өңірлерге 1,9 трлн теңге сомасында нысаналы трансферттер көзделген. Оларға 1 наурызға дейін 211 млрд теңге бөлінген. Оның 95,1 пайызы игерілген. Атқарылмағаны – 10 млрд теңге, оның ішінде 1 млрд теңге – үнемдеу, 9 млрд теңге игерілмеді. Ең көп игерілмеу Маңғыстау облысы, Нұр-Сұлтан қаласында, Түркістан, Батыс Қазақстан және Павлодар облыстарында қалыптасты», - деді министр Үкімет отырысында.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Министр бюджет қаражатын игермеген өңірлер мен мекемелерді атады&mh_tags=Qazaqstan&mh_page=https://qazaqstan.tv/news/138181/)