Өзбекстан импортқа салынатын акциздік салықты алып тастады

Енді кәсіпкерлер тауарын Өзбекстанға артық шығынсыз тасымалдайды. Көрші ел импортқа салынатын акциз салығын алып тастады. Бұған дейін экспорттаушылар тауар құнының 30 пайызын салық ретінде төлеп келген еді. Оның үстіне жеңілдіктің арқасында өзбектерге тасымалданатын тауарлар кілем, құрылыс материалдарымен толықпақ. Әсіресе Шымкенттегі кілем фабрикаларының жұмысы жанданады деген үміт бар.

Айта кетейік былтыр пандемияға қарамастан Өзбекстанға 235 млн АҚШ долларының тауары экспортталған. Оның дені тәтті сусын мен кондитерлік өнімдер.

Досжан Маратұлы