Қажымұқанның гір тасы музейге табысталды

Павлодар облысының спорт музейі ерекше жәдігермен толықты. Тәуелсіздіктің 30 жылдығына орай өткен «Қажымұқан қазақ елінінің батыры» атты шарада баянауылдықтар, палуанның цирк өнерін көрсеткен кезде қолданған гір тасын табыс етті. Күш атасының Баянауылға жиі келгені және таудың тасын көтеріп жұртшылықты таңқалдырғаны жайлы жазба деректері көп. Ал, әлемдік күрес аренасында өнер көрсеткен кәсіпқой спортшыға Ресейде арнайы гір тасы құйдырылғаны жайлы дерек бұрын-соңды жарық көрмеген. Даңқты палуан гір тасын жергілікті ақсақалға сыйлаған. Содан бері тура 100 жыл өтті. 

Ораз Хамитұлы, ардагер палуан:
1921 жылы Баянауылда қонақта болғанда Қажымұқан атамыз мына Сыздық деген азаматқа сый еткен. Ал енді осы гірді немерелері әкеп осы мұражайға тапсырып отыр. 36 келіден 37 арасында.