Жаңалықтарды Telegram арнамыздан оқыңыз!Жыл сайын елімізде 14 мың адам қатерлі ісіктен көз жұмады. 190 мыңға жуық қазақстандық диспансерлік есепте тұр. Науқастар арасында сүт безі, өкпе және асқазан обыры кең таралған. Бұл туралы бас онколог Диляра Қайдарова айтты. Оның сөзінше, халықтың басым бөлігі дер кезінде тегін онкоскринигтен өтпейді. Ауруды асқындырып алғанда ғана дәрігердің көмегіне жүгінеді. Сондай-ақ бас онколог осы дертпен ауыратын науқастарға COVID-19 жұқтыру қауіпті екенін де ескертті. Мәселен, былтырдан бері онкологиялық аурумен ауыратындардың екі жарым мыңы инфекция жұқтырып, оның 30-ға жуығы көз жұмған.
Диляра Қайдарова, Қазақстанның бас онколог дәрігері:Жыл сайын скринингтік бақылаудан өтудің пайдасы зор. Өйткені қатерлі ісік бірінші және екінші сатысында байқала бермейді. Сондықтан аурудың алдын алып, тексеріліп тұру қажет. Обырмен күресуге мемлекет есебінен қаражат бөлініп отыр. Қатерлі ісікті анықтау және оны емдеу тегін екенін тағы да ескерткім келеді.
