Тоқаев: Ел азаматтары пандемияда екпенің аса маңызды екенін түсінеді деп ойлаймын

 ҚР Президенті ел азаматтары жаппай пандемия жағдайында екпенің аса маңызды және қажетті екенін түсінетініне сенім білдірді. Бұл туралы Қасым-Жомарт Тоқаев Twitter-дегі парақшасында жазды.

«1 ақпан күні Қазақстанда COVID-19 індетіне қарсы жаппай вакцина салу басталды. Біз індетке қарсы әлемдік тәжірибені қолданып отырмыз. Вакцина – пандемияны жеңудің жалғыз сенімді жолы. Азаматтарды вакциналау шығындарының барлығын мемлекет көтереді. Вакцина салуға денсаулығы жарамайтын азаматтардан басқалары, жаппай пандемия жағдайында екпенің аса маңызды және қажетті екенін түсінеді деп ойлаймын», -  деп жазды Мемлекет басшысы.

Айта кетейік, бүгін Қазақстанда коронавирусқа қарсы вакцинация басталды.