Мәжілістің 107 депутатына куәліктер мен белгілер тапсырылды

Бүгін Орталық сайлау комиссиясы 7-ші шақырылған Мәжіліс депутаттарын тіркеді. Жаңа сайланған депутаттарға куәлік пен төсбелгілер тапсырылды.

Айта кетейік, 7-ші шақырылған Парламент Мәжілісіне еліміздегі 3 саяси партия және Қазақстан халқы Ассамблеясының кандидаттары депутат болды. Атап айтқанда, «Nur Otan» партиясы - 76, «Ақ жол» демократиялық партиясы - 12, Қазақстанның халық партиясы 10 мандат иеленді. Сонымен қатар Қазақстан халқы Ассамблеясы атынан 9 депутат сайланды. Заңнамаға сәйкес Парламент депутатының өкілеттігі оны Орталық сайлау комиссиясы депутат ретінде тіркеген сәттен басталады. 

Асима Нұрбайқызы