ЕЭО елдері арасындағы келісім күшіне енді

Енді қазақстандықтардың еуразиялық экономикалық одаққа мүше елдеріндегі жұмыс өтілі есепке алынып, соған сай, зейнетақы жарнасы төленеді. Қазақстан, Ресей, Беларусь, Армения мен Қырғызстан арасындағы келісім бүгіннен бастап ресми күшіне енді. Қазір одаққа мүше бес мемлекет арасында мыңдаған мигрант еңбек етеді. Әсіресе Қырғызстан мен Ресей және Қазақстан мен Ресей арасында жұмыс бабымен ауысқандар көп. Олардың осы уақытқа дейінгі зейнетақы жарналары өз елдерінде есепке алынбай келген. Айта кетейік енді төленетін зейнетақы жарнасы, әр елдің зейнетақы заңнамасына сәйкес жүргізіледі.  

Досжан Маратұлы