Елімізде баспана бағасы қымбаттады

Елімізде баспана бағасы қымбаттаған. Ұлттық статистика бюросының дерегі осындай. Айтуларынша 2020 жылдың қаңтар-желтоқсан аралығында пәтер құны 13 пайызға дейін өскен. Әсіресе, бұрын қолданыста болған үйлердің бағасы көтерілді. Ал жаңа пәтерлердің шаршы метр құны 5 пайызға өсіп отыр. Баспананы жалдау ақысы да 8 процентке қымбаттаған. Жылжымайтын мүлік нарығының сарапшылары биыл да «элит», «бизнес», «комфорт» санатындағы пәтерлердің бағасы шамамен 6-7 пайызға өседі деп болжап отыр. Бұған негізінен инфляция әсер етеді дейді. 

Досжан Маратұлы