Оралдық тұрғын отшашудан жарақат алды

Оралдық тұрғын отшашудан жарақат алды. Жаңажылдық түнде салют атпақ болған ер адам бет-жүзін күйдірген. Сондай-ақ мереке күндері көктайғақта құлап, түрлі жарақат алған 33 адам, төбелесіп, таяқ жеген 20-ға тарта адам түскен. Бәріне тиісті медициналық көмек көрсетілді. 

 Ерғали Байқатов, травматолог дәрігер:

-Пиротехникадан зардап шегу азайды. Тек қана бір ғана науқас қаралды. Оған алғашқы көмек көрсетіліп, үйіне жіберілді. Карантиннің бір жақсысы былтырғымен салыстырған кезде қозғалыс аз болғандықтан науқастардың саны да азайды.

Қарағанды облысында қаңтардың 1-нен бастап үсік шалған 23 адам дәрігерлер көмегіне жүгінген. Оның 13-і амбулаторлық ем қабылдаса, 10 адамды жансақтау бөліміне жатқызылған. Мамандардың айтуынша, олардың көбі ішімдік ішкендер.