Қаңтарда қазақстандықтар 13 күн демалады

2021 жылдың қаңтарында қазақстандықтар 13 күн демалады.

Ел азаматтарын жыл басында төрт күн қатарынан (1-4 қаңтар аралығы) демалыс күтіп тұр. Негізі Жаңа жыл мерекесіне орай 1-2 қаңтар демалыс күні деп саналады. Ал 2 қаңтар сенбіге түсіп тұрғандықтан, бұл күннің есесі 4 қаңтарға (дүйсенбі) ауысты.

Одан кейін қазақстандықтар екі күн жұмыс істеп, Рождество мерекесіне орай 7 қаңтарда тағы демалады. Сенбі-жексенбі күнгі демалыстарды қосқанда, қаңтар айының тең жартысына жуық уақыты қазақстандықтар үшін демалыспен өтпек.