Астанада C5+1 конференциясы басталды

Астанада Орталық Азия елдері мен АҚШ арасындағы C5+1 конференциясы басталды. Бұл жолы ауқымды іс-шара жасанды интеллект пен цифрлық ынтымақтастықты дамытуға арналып отыр. Атап айтқанда, озық технологияларды, цифрлық деректерді өңдеу орталықтарын дамыту, киберқауіпсіздікті нығайту көзделген. Сондай-ақ америкалық компаниялармен бірлескен жобаларды арттыру мәселелері талқыланады. Конфереция барысында ірі кәсіпорындар ортақ бастамаларды қарастырып, өзара тәжірибе алмасады.

Марк Кэмерон, АҚШ Мемлекеттік хатшысының Орталық Азия және қоғамдық дипломатия жөніндегі көмекшісінің орынбасары:

АҚШ Орталық Азияда жасанды интеллект жобаларын дамыту үшін 5 миллион доллар жұмсайды. Біз қаржыны грант арқылы бөліп отырмыз. Өйткені басты рөлді жеке компаниялар атқарады.  Қазақстан бірқатар маңызды жобаны іске асыруға үлес қосады деп сенеміз.