«Әл-Фараби» телехикаясы эфирге шығады

«Qazaqstan» Ұлттық телеарнасының тағы бір төл туындысы «Әл-Фараби» телехикаясы көрермен назарына ұсынылмақ. Тарихи туындының түсірілімі Отырар қалашығы, Түркістан облысындағы медреселер мен Хиуа, Дамаск қалаларында өткен. Телехикаяда ойшылдың бала күнінен бастап дүние жүзіне танылып, ғұлама болғанына дейінгі өмірі суреттеледі. Туынды әлемнің екінші ұстазы Әбу-Насыр әл-Фарабидің 1150 жылдығына арналған және бұл - ғұлама ғалым туралы түсірілген алғашқы телесериал. 7 бөлімнен тұратын хикаяны желтоқсан айының 18-і мен 20-сы аралығында сағат 16:00-де Ұлттық арна эфирінен тамашалай аласыздар.