2021 жылы баспана бағасы өседі - сарапшылар

Келесі жылы баспана бағасы қымбаттағалы жатыр. 2021-ге болжам жасаған жылжымайтын мүлік нарығының сарапшылары осылай деп отыр. Айтуларынша жаңа жылдың бірінші жартыжылдығында бірінші, екінші, үшінші яғни, элит, бизнес, комфорт санатындағы үйлердің бағасы өседі. Ал эконом кластағы пәтерлердің құны осы қалпында сақталады деген болжам бар. Өйткені оны салу үшін негізінен отандық құрылыс материалдары пайдаланылады. Оның үстіне карантиннің кесірінен құрылыс қарқынының бәсеңдеуі де бағаның өсуіне әсер етеді дейді сарапшылар. Бірақ нақты қаншаға қымбаттайтынын дөп басып айту қиын дейді.  

Досжан Маратұлы