Жаңалықтарды Telegram арнамыздан оқыңыз!Қазақстанда микроқаржы ұйымдары банктерге теңеседі. Ұлттық экономика министрі Руслан Дәленов бұдан қарыз алушылардың жағдайы қаншалықты жақсаратынын түсіндірді.
«Меніңше, осы норманың арқасында несие алатындардың жағдай жақсарады. Мәселен, банктік емес секторға кіретін ұйымдар халыққа кредит береді, бірақ мөлшерлемелері, айыппұлдары мен комиссиялары да жоғары. Кредит алатындардың арасында қаржы жағынан сауатсыз адамдар да бар. Микроқаржы ұйымдары осыны пайдалануы мүмкін. Бұл азаматтарымыздың құқықтарын бұзады», - деді министр Мәжілістің жалпы отырысында.
«Микроқаржы ұйымдары қазіргі таңда реттелмейді. Енді оларды қаржы ұйымдарына теңестіру ұсынылып отыр. Енді реттелетін болады. Яғни, кредиттің шекті мөлшерлемесі бойынша талап қойылады деген сөз. Қаржы нарығын реттеу агенттігі лицензияланатын қызметтерді тексеретін болады. Бұның барлығы несие алатындардың құқығын қорғайды және қаржылай тәуекелдерді азайтады», - деп түсіндірді Дәленов.
