Қырғызстан Қазақстаннан қаржылай көмек сұрап отыр

Қырғызстан Қазақстаннан қаржылай көмек сұрап отыр. Премьер-Министр Асқар Мамин мен Қырғыз елінің Сыртқы істер министрі Руслан Қазақбаевтың кездесуіне қатысты осындай жаңа дерек шығып жатыр. Қырғыз тарабы елімізден індет қайта өршіген жағдайда дәрі-дәрмек және қорғаныш заттармен қамтамасыз ету бойынша жәрдемдесуін сұраған. Бюджет тапшылығы мен азық-түлік қауіпсіздігі мәселесін шешу үшін қаржылай көмек беруді өтінген.

Әзірге еліміздің бұған қалай жауап бергені белгісіз. Бұған дейін Қырғызстан Еуроодақтан да қаржылай көмек сұраған еді. Биыл олардың мемлекеттік бюджеті 365 млн долларға толмай қалған. 

Досжан Маратұлы