Нұр-Сұлтанда карантин күшейіп, күні-түні рейд жүреді

Елордада коронавирустың екінші толқынына дайындық және мобильді топтардың жұмысы пысықталды, деп хабарлайды қала әкімдігінің баспасөз қызметі.

Нұр-Сұлтан қаласы әкімінің орынбасары Бақтияр Мәкен мобильді топтардың жұмысын күшейтуді,  кәсіпкерлік субъектілеріне күндіз-түні  рейдтер жүргізуді, карантин бұзған адамдарды жауапкершілікке тартуды тапсырды.

«Сонымен қатар, COVID-19 екінші толқыны болған жағдайда дәрі-дәрмек тапшылығына және  дәріханаларда бағаның өсуіне жол бермеу қажет. Жауаптылар дәрі бағасын қатаң бақылауға алуы керек. Басқа елдерден келетіндер үшін міндетті ПТР тестілеу қажет», – деді Б.Макен.

Маска тағу тәртібін сақтамаған азаматтарға да шара қолданады.