Асқар Мамин Мәскеуге жұмыс сапарымен барды

Премьер-Министр Асқар Мамин Мәскеу қаласына жұмыс сапары аясында Ресейдің өнеркәсіп және сауда министрі Денис Мантуровпен және өзге де ірі компания басшыларымен жолықты. Кездесуде өңдеу өнеркәсібіндегі бірлескен жобалардың жай-күйі мен келешегі, Еуразиялық экономикалық одақ аясында сауда-саттықты арттыру мәселесі талқыланды. Сондай-ақ Үкімет басшысы жасанды интеллект пен робототехника, денсаулық сақтау, білім беру, логистика салаларында қолданылатын ең озық жобаларымен танысты.