Ақтөбедегі оқиға кезінде ауыр жарақат алған сарбаз Сырым Сүндетовтің жағдайы бірқалыпты

Ақтөбедегі оқиға кезінде ауыр жарақат алған сарбаз Сырым Сүндетов Астанадағы Ұлттық нейрохирургия орталығына жұма күні жеткізілген еді. Лаңкестер сарбаздың кеудесі мен омыртқасына пышақ салған. Және аяғына оқ тиген. Оған Ақтөбеде алғашқы медициналық көмек көрсетіліп, күрделі операция жасалды.

Енді науқас аяғына тұрып кеткенше, оның жағдайын Ұлттық нейрохирургия орталығының дәрігерлері бақылайтын болады. Олардың айтуынша, жігіттің өміріне қауіп жоқ.

Сәуле АЛДАМҰРАТҚЫЗЫ