Павлодар облысында коронавирус жұқтырған оқушылар саны 12-ге жетті

Павлодар қаласындағы мектептердің бірінде 2-ші сынып оқушысынан коронавирус анықталды. Байланыста болған 17 адам, оның ішінде 14 оқушының бәрі тексерілуде. Олар үй карантинінде. Сынып та карантинге жабылып, қашықтан білім алуға көшті. Оқу жылы басталғаннан бері өңірде 12 оқушы ауруға шалдыққан. Шарбақты ауданында – 5, Ақсуда – 1, Павлодар қаласында – 6 оқушы індет жұқтырған. Өңірдегі мектептерде санитарлық талаптардың сақталуына байланысты тексеріс басталды.