Maqsut Narikbayev University-де жасанды интеллект бойынша тегін «AI Upgrade» курсы іске қосылады

Университет түлектеріне жасанды интеллект бойынша арнайы тегін курс ашылды. «AI Upgrade» атты жоба мамандарға саладағы озық практикалар мен кәсіби дағдыларды меңгеруге көмекші құрал болмақ. Бұл бастама Мемлекет басшысы жариялаған Цифрландыру және жасанды интеллект жылы аясында қолға алынды. Курс заманауи no-code құралдарын игеру, тапсырмаларды автоматтандыру және жұмыс процесіне ЖИ енгізу бойынша бірқатар практикалық кейстерді қамтиды. Ұйымдастырушылардың сөзінше, бүгінде жасанды зиятты терең оқуға ниетті түлектердің саны мыңға жетіп отыр.
Әсел Әбілдаева, MNU бизнес мектебінің директоры:

Бірінші кезеңде 300 түлекті оқытатын боламыз. Ал 11-12 сәуірлер күні 50 осы интенсивтен өтеді. Сертификациялық программа болады. Екі күнде ЖИ-ді кәсіби деңгейде, жеке цифрлық ассистенттер құруға мүмкіндік береді.