Қазақстан нарығындағы шұжықтың 85% Ресейде шыққан - АШМ

Қазақстандағы шұжық импортының қазіргі көрсеткіші - 33,3 мың тонна. 

Қазақстандағы кәсіпорындар отандық шұжық нарығының сұранысын 62% қамтамасыз етеді. Бұл туралы бүгін Үкімет отырысында Ауыл шаруашылығы министрі Сапархан Омаров мәлім етті. 

Оның айтуынша, қазір Қазақстанға 33 мың тоннадан астам шұжық импортталады. оның 85% Ресейден келіп жатқан өнім. 

«Шұжық өнімдерінің импорты 33,3 мың тоннаны құрайды. Оның 85% көрші Ресейден тасымалданған. Отандық өнім ішкі нарықтың   62% қамтамасыз ете алады»,- дейді министр. 

Омаровтың айтуынша, қазір қуаты 103 мың тонна болатын ет өңдеуші кәсіпорын салу бойынша 9 жоба іске асып жатыр. Оларға жүктелетін міндеттің бірі - ішкі нарықты толықтай ет және шұжық өнімдерімен қамтамасыз ету.