Президент астық жинау науқанын аяқтаған ауыл еңбеккерлерін құттықтады

Мемлекет басшысы астық жинау науқанының табысты аяқталуына байланысты ауыл еңбеккерлерін құттықтады. Қасым-Жомарт Тоқаев: «Биылғы егін егу науқаны коронавирус пандемиясынан жарияланған төтенше жағдайға байланысты қиын жағдайда жүргізілді. Негізгі астық өсіретін облыстарда жаз маусымы жауын-шашынсыз, құрғақ болды. Күрделі жағдайда жұмыс істеуге тура келді. Соған қарамастан, еліміздің егіншілері ұйымшылдық танытып, ауыл шаруашылығы дақылдарын егуді уақытылы аяқтады. Бүгінде ел өңірлерінде 20 миллион тонна көлемінде астық жиналды. Бұл еліміздің ішкі қажеттілігін толық қамтамасыз етеді, сондай-ақ, экспорттық әлеуетімізді арттырып, Қазақстанның астық державасы мәртебесін сақтап қалуына мүмкіндік береді»,-делінген құттықтауда. 

Нысаналы Ығыл