МӘМС қорынан дәрігерлерге 74 мрлд теңге төленді

Елімізде коронавируспен күреске жұмылдырылған дәрігерлердің жалақысына үстемақы төлеу жалғасуда. Әлеуметтік медициналық сақтандыру қорынан наурыз бен тамыз аралығында ақ халаттыларға шамамен 74 миллиард теңге төленді. Тағы 17 миллиард теңге тамыз айы үшін 66 мыңнан астам медицина қызметкерлеріне үстемақы төлеуге бағытталады. Бұл туралы бүгін қор басшысы Болат Төкежанов мәлімдеді. Ол сондай-ақ қазақстандықтар коронавирус және пневмония кезінде медициналық сақтандырылу мәртебесіне қарамастан көмекті тегін алуы тиіс екенін атап өтті. Мұндай науқастарды емдеу үшін 50 млрд теңгеден астам қаражат бөлінді. Коронавируспен күреске қорда барлығы 159 миллиард теңге қарастырылған.