Басты Жаңалықтар Ұлыбритания азаматы 8 жылға сотталды

Ұлыбритания азаматы 8 жылға сотталды

25.06.2014 05:30

Ұлыбритания азаматы Питер Барох жасөспірім қыздарды азғындағаны үшін 8 жылға бас бостандығынан айырылды.

Үкімді Батыс Қазақстан облысының кәмелетке толмағандар істері жөніндегі мамандандырылған ауданаралық соты шығарды.

Ол кәмелетке толмағандардың қатысуымен түсірілген порнографиялық материалдарды әзірледі, деп айыпталды.

Енді ол жазасын жалпы режимдегі колонияда өтейтін болады. Питер Барох биылғы жылдың 14-қаңтарында ұсталған еді.

Полиция оның қонақүйдегі нөмірінен ноутбук пен есте сақтау картасын тапты. Онда Орал мен Атырау қаласындағы мектеп оқушыларының фотосуреттері болған. Ұсталған кезде ол айғақ заттарды өртеп жіберуге тырысқан.

Бөлісу