87 және 90 жастағы қариялар індеттен айығып шықты

Шымкенттік дәрігерлер 90 жасқа таяған қос қарияны аман алып қалды. Соның бірі - Мария Тен. Қос өкпесі қабынып, ауруханаға ауыр халде жеткізілген ол жансақтау бөлімінен бір-ақ шыққан. Өздігінен дем ала алмаған әжей 22 күн бойы өкпені желдету аппаратымен тыныстап жатты. Білікті дәрігерлердің арқасында беті бері қарады. Ауруынан айығып ауруханадан шығар алдында Мария Тен ақ халаттыларға алғысын айтты.  Ал Күлсара Қарсыбаева ауыр дәрежедегі пневмония дертін жеңді. Жүрегінде ақауы бар 90 жастағы әжейдің өкпесінің 70 проценті зақымданған еді. Ол 25 күнде жазылып шықты. 

Гүлжазира Ғалиқызы