Тегін дәрі-дәрмектер заңсыз сатылған

Тегін дәрі-дәрмектер заңсыз сатылған. Денсаулық сақтау министрлігінің мәліметінше, 2024 жылғы 1 шілдеден бастап елдегі дәріханаларда кепілдендірілген тегін медициналық көмек аясында берілуі тиіс 4 114 дәрі заңсыз саудаланған. 74 нысанда жоспардан тыс тексеру жүргізіліп, 31 ұйым әкімшілік жауапкершілікке тартылды. Оларға жалпы сомасы 12 млн теңгеден аса айыппұл салынды. Тағы 43 нысанға заңбұзушылықтарды жою туралы нұсқама берілді. Сонымен қатар дәрілерді таңбалау барысында да жүйелік ақаулар анықталған. Атап айтқанда, 35 мыңнан аса жағдайда дәрілер қайта заңсыз айналымға шығарылған. Бір кодты әртүрлі қатысушылар пайдаланған 480 мың дерек тіркелген. Бұл заңбұзушылықтар бойынша материалдар құзырлы органдарға жолданды.