Елордада дезинфекция жұмыстары күшейтілді

Елордада ауқымды дезинфекция жұмыстары қайтадан күшейтілді. Өткен демалыс күндері тазалық жұмыстары адамдар көп шоғырланатын аумақтарда жүргізілді.Мәселен, автобустар мен автопарк ғимараттары толықтай арнайы қоспамен жуылды. Айта кетейік, демалыс күндері қала ішінде қатынайтын автобустар түгел тоқтатылған болатын. Бүгін қозғалыс қайта жанданды. Жүргізушілер соңғы аялдамада ылғалды тазалау жұмыстарын әрі қарай да жасауы тиіс. Сондай-ақ, сенбі, жексенбіде орталық көшелер, базарлар мен сауда үйлерінің маңы, «Ботаникалық бақ» пен «Нұр жол» бульварында, «Жерұйық» паркі мен Арбатта, Бауыржан Момышұлы атындағы және Тұңғыш Президент саябағында дезинфекция жасалды.

Амангелді СЕЙІТХАН