Қарағанды облысында қатты дауыл 30-дан астам ғимараттың шатырын қиратты

Қарағанды облысындағы Ақтоғай елді мекенінде дауыл соғып, 30-дан аса нысанның шатырын ұшырып әкетті. Артынша бұршақ аралас жаңбыр жауды. Оқыс оқиға кеше түс ауа болған. Құйындата соққан күшті желден мектеп, балабақша, Мәдениет үйі, мекемелер мен кәсіпкерлік нысандар және 20 тұрғын үй шатырсыз қалды.

Электр желілері зақымданып, 3 мыңнан астам абонемент жарықсыз қалған.

Ұялы байланыс та үзілген. Тұрғындар зардап шеккен жоқ.

Руслан Нұрланұлы