Жаңалықтарды Telegram арнамыздан оқыңыз!АҚШ-та бір әйел пандемия кезінде жабық тұрған Йеллоустон саябағында заңсыз кіріп, ыстық қайнарға құлап, күйіп қалды.
Оқиға 12 мамырда болған. Саябақ қызметкерлерінің айтуынша, әйел қайнардың жанында суретке түсуге талпынғанда тепе-теңдік сақтай алмай, құлап кеткен. Денесін күйік шалғанына қарамастан ол жағаға өзі шығып, автокөлігімен саябақтың солтүстік бөлігіне барған. Сол жерде ұсталып, тікұшақпен Шығыс Айдахо медицина орталығына жеткізілген.
АҚШ-тың Йеллоустон ұлттық саябағы коронавирус салдарынан 24 наурыздан бері жабық тұр. Оның қашан ашылатыны әзірге белгісіз, әйтсе де саябақ аумағына заңсыз кіру оқиғалары азаймай тұр.
iz.ru
