Таиландтың туристік аймақтарындағы пілдер табиғи мекен-жайларына оралуда

Әлемді жайлаған COVID-19 пандемиясы салдарынан Тайландқа соңғы 2 айда турист келмеген. Сол себепті турситік лагерьлерде пілдердің қажеттілігі болмай тұр. Сонымен қатар, пілдерді күнделікті азық-түлікпен қамтамасыз ету үшін қыруар қаражат жұмсалады дейді кәсіпкерлер. Бір піл күн сайын 200 келі шөп жейтін көрінеді.

Пілдерді табиғи мекен-жайларына арнайы көлікпен апару да көп қаражатты талап етеді дейді мамандар. Сондықтан пілдер мен көмекке келген еріктілер Мэй Чай елді мекеніне дейінгі 150 шақырымдық жолды жаяу жүріп өтуде.

«Пілдер көшін» сырттай бақылаған тұрғындардың айтуынша, алып жануарлар көңілді дыбыс шығарып, бақытты көрінеді.

AP News