Оңтүстік Африкада арыстандар көше бойын демалыс орнына айналдырған

Оңтүстік Африка Республикасының Крюгер Ұлттық паркінің жануарлары аймаққа туристердің келуінің тоқтағанын сезіп, өздерін емін-еркін сезінуде.

Күнделікті өмірде көше бойында сирек кездесетін арыстандар күре жол бойын демалыс орнына айналдырып алған. Парк қызметкері Ричард Соуридің айтуынша, бұл жағдай туристердің легі тоқтағаннан кейін пайда болып отыр. Крюгер паркі 25 наурыздан бастап карантинге жабылған.

«Арыстандар автокөлікпен жүретін туристерге үйреніп қалған. Барлық аңдарда жаяу жүргіншілерге қорқыныш инстинкті бар. Мен демалып жатқан жыртқыштар жанына жаяу мүлдем жақындай алмас едім»,- дейді Ричард Соури.

BBC