Президент нақтыланған республикалық бюджетті бекітті

Мемлекет басшысы «2020 жылдың нақтыланған республикалық бюджеті» туралы Жарлыққа қол қойды. Үкімет еліміздің бір жылдық кіріс-шығысын қайта қарап, құжатты Президенттің мақұлдауына жіберген болатын.  

Бұған дейін еліміздің басты қаржылық құжатында мұнайдың баррелі 45 пен 55 доллар шамасында есептелген. Енді қара алтын арзандап, теңге әлсіреген соң, жылдық бюджет жаңа курспен яғни, мұнай баррелі 20 доллар, ал теңге бағамы долларға шаққанда 440 болады деп қайта есептелді.

Оның үстіне бюджет тапшылығын жою үшін Ұлттық қордан қосымша 2 триллион 700 миллион теңге алынбақшы. Сөйтіп жылдық бюджет 11 триллион 700 миллиард теңгені құрап отыр. Бұл дағдарыс кезінде экономикалық тұрақтылықты сақтауға мүмкіндік бермек.

Досжан МАРАТҰЛЫ