Жаңалықтарды Telegram арнамыздан оқыңыз!Дүниежүзілік денсаулық сақтау ұйымы (ДДCҰ) коронавирусты пандемия деп жариялады. Бұл туралы Женевадағы брифингте ұйымның бас директоры Тедрос Адханом Гебрейесус мәлімдеді.
Пандемия – аурудың әлем бойынша белең алуы. Ал эпидемия – аурудың бір өңірде кенеттен тарауы.
Әлем бойынша 100-ден аса елден 123 824 адам Covid-19 вирусын жұқтырған. 4620-ы көз жұмды. 67 689 адам емделіп, ауруханадан шығарылды.
Гайана мемлекетінде коронавирус жұқтырудың алғашқы дерегі тіркелді. Мұны елдің президенті Дэвид Грейнджер мәлімдеді. Індетке таяуда АҚШ-тан келген 52 жастағы тұрғын шалдыққан.
Сондай-ақ коронавирус Кубаға да жетті. Жұқпалы ауру үш италиялық туристен анықталған.
Қытайда вирус жұқтырғандардың 77,7 пайызы дертінен айыққан. Өлім-жітім 3,9 пайызды құрайды. Covid-19 жұқтырды деген диагноз қойылғандардың жалпы саны 80 793 болса, оның 62 793-і емделген. 3169ы-ы қайтыс болған.
ria.ru
